عيزومة

قبل يومين تمت عزومتنا من قبل صديقين من اصدقائنا الذين يسكنون امدرمان والذى لا يعرف ام درمان العاصمة الوطنية للسودان والتى بها مختلف القبائل السودانية وعندما تعبر الكبرى الفاصل بينها وبين الخرطوم وانت تنظر تحتك حيث ملتقى النيلين اجمل منهما لا يوجد فيالهذا المنظر وتعبر لتلتقلى بعبق التاريخ من الجهة الاخرى ولا انسى ان اذكر لكم ان العزومة كانت عبارة عن الفووول عندما قالو ا لنا انها كذالك كانت بادية علينا امارات الاحتجاج على ان الفول يومى معانا فهذه لاتعتبر عزوومة ونحنا كل يوم هارينا الفول ده قيل لنا بس انتو امشوا معانا وجربو فول الواحة حيث ان هذا هو اسم المطعم الذى سوف نذهب اليه وفعلا ذهبنا وضربنا الفول بمعنى اكلنا وكان الفول فول بالجد يعنى كان حاجة تمام ثم بعد ذالك ذهبنا مسافة ليست بالقريبه لنأكل ايسكريم يالهذه المفارقة بين الفول والايسكريم لكن نعمل شنو كل حاجه فى السودان ده وارده والله بالجد كانت عزومة جيده وتاريخية وجميله واتفقنا ان ناس الخرطوم اى اللذين يسكنون ولاية الخرطوم ستكون عزومتهم المرة الجاية وناس بحرى براهم الله يكون فى عون اخينا ناجى لانه الوحيد الذى يسكن بحرى اذا سيتكفل هو وحده بكل التوضيب اما ناس الخرطوم ففيهم ثلاثة برعى , وفرح , وشخصى انا قلت ليهم عزومتكم قراصة بس حيث القراصة عبارة عن فطيرة اوشبه الفطيرة للذين لا يعرفونها ولكنها تكون سميكة بعض الشئ توضع فى صحن مناسب ثم يسكب فوقها احدى الملاحات حكاية الملاحات دى دايرة قعدة تانية